CANTO DEL MESE - LUGLIO 2010
Lu Papanzicu…duna nummari stu misi,
passanu l’anni e puru li misi,
sunnu cientu giornala precisi.

Nun ci cridi nuddru, mancu lu diretturi,
ma lu tiempu macìna…nun si cuntanu l’uri.

Lu Papanzicu…si riteni suddisfattu,
pirchì piaci a tutti lu beddru aspettu.

Tuttu beddru culuratu,
e nutizji da muzzasciatu.

Vola, vola Papanzicu…nun ti fimari mai,
cuogli tutti li novità…se no…sunnu guai.

Li pagini sunnu beddi e sustanziusi,
pienzi pi l’anziani, li giovani e li carusi.

Grazji tanti cari lettori,
sustiniti “Lu Papanzicu” si nun vuliti…
ca mori.

“Angelo Lumia”